fbpx

Министерката Шекеринска на телеконференцискиот состанок на НАТО министрите за одбрана за COVID-19: Заедно сме посилни

Објавено на: 16.04.2020 | 08:04
Категории: Известувања

Заменичката на претседателот на Владата и министерка за одбрана Радмила Шекеринска попладнево учествуваше на телеконференцискиот состанок на министрите за одбрана на НАТО земјите посветен на борбата против COVID-19.

Состанокот го отвори генералниот секретар на НАТО Јенс Столтенберг, а министерката Шекеринска заедно со другите министри од одбраната имаа одвоени излагања на кои ги изнесоа гледиштата и ставовите на своите земји во поглед на ширењето на заразата и мерките за помош на цивилните власти во намалувањето на последиците од нејзиното ширење. 

Генералниот секретар и голем број на министри за одбрана честитаа за членството на Република Северна Македонија во НАТО и го поздравија првото учество на Шекеринска како полноправен член.

Шекеринска се заблагодари за поддршката што ја доби нашата земја за приемот во НАТО и ја истакна нашата подготвеност за соработка со сојузниците во борбата против пандемијата.

“Благодарни сме што нашите пријатели од САД, Турција, Чешката Република, Норвешка, Унгарија, Словенија, Обединетото Кралство, Холандија и Бугарија испратија помош до нас во оваа голема криза. Помошта ни значи многу бидејќи е во услови на општа загрозеност на сите држави и ги става на тест националните здравствени системи низ целиот свет”, рече министерката.

Шекеринска упати порака до генералниот секретар на Алијансата и до министрите за одбрана дека “нашата држава добро знае што значи да се притекне во помош кога е тоа потребно” и ја изрази нашата подготвеност за поддршка на КФОР во услови на медицински итни потреби.

Министерката упати сочувство за жртвите од пандемијата и изрази увереност дека НАТО со својот широк спектар на активности ќе придонесе за побрзо и поефикасно справување со здравствената криза.

На крајот на состанокот генералниот секретар Столтенберг рече: “Кризата покажа дека нашите членки се истрајни и обединети. Нашите вооружени сили веќе играат важна улога во поддршка на иницијативите на цивилните авторитети. Така, низ користењето на НАТО механизмите сојузниците си помагаат едни на други во спасувањето животи”.

Поддршката во борбата против коронавирусот ја координира командантот на Здружената команда за Европа, генералот Тод Волтерс. Помошта се одредува преку утврдување на потребите и понудите од сојузниците и партнерите и организирање воздушен транспорт со кој стотици тони опрема и материјали се насочуваат кон земјите кои имаат итна потреба.

Последна прес-конференција

Заев и Филипче ја промовираа кампањата „За моментите на среќа – Вакцинирај се!“: Вакцините се безбедни и само со вакцинација ќе го сочуваме личното и колективното здравје

Заев и Филипче ја промовираа кампањата „За моментите на среќа – Вакцинирај се!“: Вакцините се безбедни и само со вакцинација ќе го сочуваме личното и колективното здравје

Претседателот на Владата на Република Северна Македонија Зоран Заев и министерот за здравство Венко Филипче денеска ја лансираа кампањата „За моментите на среќа - Вакцинирај се!“. Кампањата има за цел да ги информира граѓаните за придобивките од вакцинацијата како...

Последна седница

Владата ги укина одлуките за задолжителни сертификати или потврди за имунизација или прележаност од КОВИД-19 при влез во земјата

Владата ги укина одлуките за задолжителни сертификати или потврди за имунизација или прележаност од КОВИД-19 при влез во земјата

Владата на Република Северна Македонија на денешната седница донесе одлука да ги прифати препораките на Комисијата за заразни болести и предлогот на Главниот координативен штаб, со која престанува да важи обврската на домашните и странските државјани кои влегуваат во...

w

Како се шири вирусот?

Како да се заштитам?

Преземете ја „Koronavirus MK“ апликацијата и добивајте ги сите последни информации и известувања директно на вашиот мобилен телефон или таблет. 

Get it on Google Play

blank

Останати вести

Денес се регистрирани 32 нови позитивни случаи на КОВИД-19 – Вкупната бројка на дијагностицирани лица изнесува 311.484 – Оздравени се 12 пациенти – Нема пријавени починати лица

Денес се регистрирани 32 нови позитивни случаи на КОВИД-19 – Вкупната бројка на дијагностицирани лица изнесува 311.484 – Оздравени се 12 пациенти – Нема пријавени починати лица

Согласно податоците од Институтот за јавно здравје, Министерството за здравство информира дека во последните 24 часа: Направени се 665 тестови, а регистрирани се 32 нови случаи на КОВИД-19: Скопје – 28, Битола, Куманово, Прилеп и Велес – по 1. Од вкупниот број на...

Денес се регистрирани 151 нови позитивни случаи на КОВИД-19 – Вкупната бројка на дијагностицирани лица изнесува 311.350 – Оздравени се 184 пациенти – Нема пријавени починати лица

Денес се регистрирани 151 нови позитивни случаи на КОВИД-19 – Вкупната бројка на дијагностицирани лица изнесува 311.350 – Оздравени се 184 пациенти – Нема пријавени починати лица

Согласно податоците од Институтот за јавно здравје, Министерството за здравство информира дека во последните 3 дена (од 20.05 до 22.05.2022): Направени се 2.780 тестови, а регистрирани се 151 нови случаи на КОВИД-19: Скопје – 95, Битола – 18, Охрид – 8, Куманово и...

Денес се регистрирани 86 нови позитивни случаи на КОВИД-19 – Вкупната бројка на дијагностицирани лица со изнесува 311.199 – Оздравени се 87 пациенти – Пријавено е 1 починато лице

Денес се регистрирани 86 нови позитивни случаи на КОВИД-19 – Вкупната бројка на дијагностицирани лица со изнесува 311.199 – Оздравени се 87 пациенти – Пријавено е 1 починато лице

Согласно податоците од Институтот за јавно здравје, Министерството за здравство информира дека во последните 24 часа: Направени се 1.167 тестови, а регистрирани се 86 нови случаи на КОВИД-19: Скопје – 65, Битола – 4, Прилеп – 3, Гостивар, Штип, Ресен и Берово – по 2,...