fbpx

Qeveria: Ngjarja në Strugë dhe festimi i Ditës së Policisë, janë kërcënim për shëndetin e të gjithë qytetarëve, institucionet urgjentisht ti gjejnë dhe t’i dënojnë përgjegjësit

Објавено на: 08.05.2020 | 17:05
Категории: Njoftime

Qeveria e Republikës së Maqedonisë së Veriut, ashpër e dënon organizimin e ngjarjes në Strugë të nxitur për shënimin e festës fetare, si dhe organizimin e festimit të Ditës së Policisë në Shkup. Organizimi i këtyre ngjarjeve në kushte pandemie do të thotë, në mënyrë të vetëdijshme shkelje e ndalesave për grupime publike dhe është rezultat i vendimeve skajshëm të papërgjegjshme, të cilat kërcënohen ti vënë në rrezik dhe në pikëpyetje të gjitha efektet dhe rezultatet që ishin arritur në parandalimin e përhapjes së virusit korona.

Struga dhe zona më gjerë në atë rajon, ishin zona me prani të theksuar të kërcënimeve në shkallë të lartë nga virusi korona, janë bërë përpjekje mbinjerëzore dhe të jashtëzakonshme, si dhe janë marrë masa nga punonjësit shëndetësor, policisë, Armatës dhe të gjithë të tjerët të kyçur në parandalimin e përhapjes së virusit dhe kjo dha rezultate.

Tani, pas ngjarjes së djeshme, kemi situatë e cila mund të shkaktojë pasoja serioze për shkak të sjelljes së papërgjegjshme që përsëri e rriti shkallën e rrezikut për shëndetin publik dhe shëndetin e qytetarëve në komunë dhe në atë rajon.

Qeveria e Republikës së Maqedonisë së Veriut i bën thirrje Ministrisë së Punëve të Brendshme dhe Prokurorisë urgjentisht të gjejë përgjegjësit konkret në kuadër të të gjitha institucioneve dhe atyre të cilët kanë qenë pjesë në organizimin ose mos parandalimin e këtyre ngjarjeve. Qeveria i bën thirrje ministrit Çulev të ndalojë me hapat me të cilat rrezikon shëndetin publik dhe të merr përgjegjësi.

Qeveria kishte komunikim dhe bashkëpunim konkret me komunitetet fetare gjatë ballafaqimit me virusin korona, me të cilin u arrit pajtueshmëri se shëndeti i qytetarëve në këtë periudhë është prioritet kryesor dhe se të gjitha ngjarjet e kalendarëve fetare duhet ti përshtaten gjendjes së jashtëzakonshme, gjegjësisht se nuk duhet të mbahen për shkak të rrezikut të madh. Presim dhe kërkojmë nga KOM dhe BFI, të mos ndërmarrin asnjë hap të ardhshëm lidhur me organizimin e grupimeve me karakter fetar, përderisa ndalesat dhe masat për mbrojtjen e shëndetit janë në fuqi.

Njëkohësisht, u sugjerojmë personave kompetent dhe përgjegjës në vend, të cilët për çfarëdo arsye do të guxonin të organizonin ngjarje të ngjashme, që veprime të tilla mund të nënkuptonin përhapjen e epidemisë për të cilën përngjitet në përputhje me Kushtetutës dhe ligjet.

Qeveria e Republikës së Maqedonisë së Veriut në mbledhjen e sotme urgjente do ti shqyrtojë pasojat e mundshme të ngjarjes në Strugë dhe në përputhje me rekomandimet e Komisionit për Sëmundje Infektive, do të ndërmerren masa kompetente për parandalimin e rrezikut për shëndetin e qytetarëve në komunën Strugë dhe rajonin më gjerë dhe për përhapjen e mundshme të rreziqeve edhe në pjesët e tjera të vendit.

Në ndërkohë, u bëjmë thirrje qytetarëve, institucioneve dhe organizatave t’u përmbahen masave për parandalimin e përhapjes së virusit korona dhe me sjellje të përgjegjshme t’i mbështesim përpjekjet mbinjerëzore të punonjësve shëndetësor për të stabilizuar gjendjen dhe për të shënuar fillimin e gjendjes së normale në vend.

Последна прес-конференција

Последна седница

Nga mbledhja e 69-të e Qeverisë: Me dekret mundësohet që edhe spitalet private të shtrojnë dhe t’u ofrojnë përkujdesje dhe terapi të sëmurëve nga KOVID – 19; Hapen të gjithë kalimet kufitare me zbatim të masave aktive

Nga mbledhja e 69-të e Qeverisë: Me dekret mundësohet që edhe spitalet private të shtrojnë dhe t’u ofrojnë përkujdesje dhe terapi të sëmurëve nga KOVID – 19; Hapen të gjithë kalimet kufitare me zbatim të masave aktive

Qeveria e Republikës së Maqedonisë së Veriut në mbledhjen e sotme të 69-të e plotësoi Dekretin me fuqi ligjore për zbatimin e Ligjit për mbrojtje shëndetësore gjatë gjendjes së jashtëzakonshme, në përputhje me të cilin tani edhe institucionet shëndetësore private, në...

w

Како се шири вирусот?

Како да се заштитам?

Преземете ја „Koronavirus MK“ апликацијата и добивајте ги сите последни информации и известувања директно на вашиот мобилен телефон или таблет. 

Get it on Google Play

Останати вести